کدخبر : 5232
پنج شنبه ۵ اسفند ۱۳۹۵ - ۱۴:۴۳
روس حربیچی:

قاراباغ دا موحاریبه باشلایاجاق

قاراباغ دا حربی فعالیت لر متمادی قایدادا اولور.

مدنیت مدیاسین آلدیغی بیلگی‌لره گؤره: قارا باغ دا یئنی توققوشمالار باشلایا بیلر؛ بونو ائرمنیستانین” ۱ این.آم” سایتینا موصاحیبه سینده روسیالی حربی  کارشناس ، پاوئل فئلکئن هااوئر سؤیله ییب. 

قاراباغ دا حربی فعالیت لر متمادی قایدادا اولور.شوبهه سیز کی توققوشمالارین آرتیریلماسی مومکون دور. یئنی موحاریبه ائحتیمالی وار آمما اونون نه واخت باش وئره جه یینی دئیه بیلمه رم.منجه توققوشمالارین آرتیریلماسی قاچیلمازدیر.اونا گؤره کی طرفلر آراسیندا جیددی دانیشیقلار آپاریلمیر.طرفلرین مووقعه ییی اوست اوسته دوشمور.یئکون نتیجه ده قاراباغ جبهه سی حتی ائرمنیستان-آذربایجان سرحدینده ده یئنی توققوشمالار اولا بیلر.طرفلر حربی باخیمدان بونا حاضیرلاشیرلار..اول آخیر توققوشما اولاجاق اونا گؤره کی سیاسی اوصول یوخدور.

هر ایکی طرف یئنی سیلاحلار آلیر.اوسته لیک هر ایکی طرف معین معنادا دؤردگونلوک موحاریبه نین نتیجه سیندن راضی دئییل.آذربایجان ایجتیماعییتینده داها چوخ مووقعه لری اله کئچیرمک طلبی وار،ائرمنی ایجتیماعییتی ایسه هئچ اولماسا آپرئل ده ایتیریلمیش مووقعه لری گئری قایتارماق ایسته ییر.او روسیانین قاراباغ دا یئنی توققوشمالاری آرزولامادیغینی سؤیله ییب.

قاراباغ توققوشمالار آرتیریلماسی مسکووایا گرک دئییل.دیگر طرفدن ایسه کرملین دیققته آلاجاغی باشقا قایغیلاری وار. او بو مسئله یه جیددی توققوشمالار اولانا قدر دیققت آییرمیر.اگر یئنی دن توققوشمالار اولسا،مسکووا طرفلره آپرئل ده کیمی باسقی ائده جک و اونلاری حربی عملیاتلاری دایاندیرماغا مجبور ائده جک.

قاراباغ توققوشماسی روسیا اوجون معین تهدید یارادیر.آمما بو هله لیک اساس تهدید دئمک دئییل.آرتیق تام باشقا تهدیدلر مؤوجوددور.بو توققوشمالار ایروان و باکی اوچون اوستونلوک دور. آمما مسکووا اوچون یوخ.روسیایا حاضیردا اورادا موحاریبه لازیم دئییل.پرینسیب جه روسیا هم ایروان همده باکی ایله یاخین علاقه لره صاحیب اولماق قافقازدا اؤزونون شوروی دؤورونده کی غالیب برپا ائتمک ایسته ییر.روسیا حاضیردا طرفلر آراسیندا بالانس ساخلاماغا چالیشیر کی بودا اؤز نؤوبه سینده ایرواندا چوخلارینین خوشونا گلمیر.اونا گؤره کی ائرمنیستان روسیانین متفق ایدی.آمما هر ایکی اؤلکه روسیایا لازیمدیر.  

نوید آذربایجان

موافقمقاراباغ دا موحاریبه باشلایاجاق(0)مخالفمقاراباغ دا موحاریبه باشلایاجاق(0)
مطالب مرتبط
دیدگاه شما